erekle.ucoz.com

ნოშრეს ნაამბობი

dav_Erekle — Sat, 16 Jun 2012 11:20:40 GMT

ნოშრეს ნაამბობი

View more documents from Zaza Tsitsishvili

ქართული ფულის ისტორია

dav_Erekle — Wed, 29 Feb 2012 16:32:28 GMT

იცით საიდან მოდის ქართული ფულის შექმნის ისტორია? მონეტის მოჭრა ძირითადად სახელმწიფოს უფლებამოსილებაა. მონეტა არის ხელისუფლების ერთ-ერთი უმთავრესი ნიშანი, რასაც სახელმწიფო სამონეტო რეგალია ეწოდება. ხელისუფლების ინტერესების, დროისა და პირობების შესაბამისად იცვლებოდა მონეტის გარეგნული მხარე – ზედ აღბეჭდილი მეფეებისა სახელები, წარწერათა შინაარსი, მონეტების ფორმები. საქართველოში არ არის კუთხე, სადაც შემონახული არ იყოს შორაეული წარსულის ნუმიზმატიკური ძეგლი – სხვადასხვა ლითონისაგან დამზადებული მონეტები. მრავალსაუკუნოვანი არსებობის მანძილზე საქართველო იყო კულტურული და ცივილიზებული სამყაროს მნიშვნელოვანი მოვლენების მონაწილე. ქართული მონეტები კი ზუსტად ასახავენ ჩვენი ქვეყნის წარსულს. ფულის გაჩენამდე ფულის ნიშნების მაგივრად იყენებდნენ სხვადასხვა საგანს – სამეურნეო ან საბრძოლო იარაღს, ტყავ-ბეწვეულს, პირუტყვს, ლითონის ზოდებს.

მსოფლიოში პირველი ფული გაჩნდა ძველი წელთაღრიცხვით VII საუკუნეში კუნძულ ეგინაზე (ეგეოსის ზღვა), სადაც ვერცხლის მონეტები მოჭრეს. ფასეულობის ეს საზომი სწრაფად გავრცელდა იმდროინდელ კულტურულ ქვეყნებში. საქართველოში, კერძოდ, ძველ კოლხეთში, ძველი წელთაღრიცხვით VI საუკუნეში უკვე მიმოქცევაში იყო ვერცხლის მონეტა "კოლხური თეთრი”, რომელიც მსოფლიოს უძველეს მონეტებს მიეკუთვნება. საქართველოში აღმოჩენილი მონეტების თანმიმდევრული ცვალებადობა ზუსტად ასახავს ქვეყანაში მომხდარ ისტორიულ მოვლენებს. ქართული მონეტების მიმოქცევის 26 საუკუნოვან პერიოდში ფული იცვლებოდა გარეგნულად, იცვლებოდა წარწერები მათზე და თვითონ ლითონიც. ზოგჯერ მოჭრილ ფულზე უცხო სიუჟეტები და უცხოური წარწერები ჩნდებოდა. ეს ნაკარნახევი იყო პოლიტიკურ-ეკონომიკური მიზნებით. ქართულწარწერიანი მონეტები მცირე რაოდენობით იჭრებოდა. გაცილებით მეტია ორენოვანი მონეტები – ქართულ-ბერძნული, ქართულ-არაბული, ქართულ-სპარსული.

VI საუკუნის 80-იან წლებში ქართლში გაუქმებული იყო მეფობა. აქ არაბები ბატონობდნენ. ქართველი ერი დამოუკიდებლობისათვის იბრძოდა. ამ ბრძოლაში ერთ-ერთი უმნიშვნელოვანესი მოვლენა იყო ქართული მონეტის მოჭრა, რომელთაც ასომთავრული წარწერები და ქრისტიანული რელიგიის სიმბოლო – ჯვარი ამშვენებდათ. ეს მონეტები იჭრებოდა ქართლის ერისმთავრების გურგენისა და სტეფანოზის მიერ. ქვეყნის ეროვნული აღორძინება სამონეტო საქმეშიც აისახებოდა ხოლმე. დავით III კურაპალატმა მოჭრა ვერცხლის მონეტა, რომელზეც გამოსახული იყო ჯვარი და ეწერა: "ქრისტე შეიწყალე დავით კურაპალატი”. გაერთიანებული საქართველოს პირველი მეფე ბაგრატ III არაბული ტიპის მონეტას ჭრიდა, რაც ეკონომიკური მოსაზრებით იყო განპირობებული. ბაგრატ მეფის მონეტაზე ქართული ასომთავრულით ეწერა: "ქრისტე ადიდე ბაგრატ აფხაზთა მეფე”. როცა გიორგი III-მ თავისი ასული თანამოსაყდრედ გამოაცხადა, მოჭრა მონეტა, რომელზეც მოხსენიებულნი არიან "მეფეთ-მეფე გიორგი” და "მეფე და დედოფალი თამარი”. მონეტაზე მხოლოდ ქართული წარწერაა. დავით აღმაშენებლის უნიკალურ მონეტაზე, რომელიც ბრიტანეთის მუზეუმშია დაცული, ასეთი ქართული ზედწერილია: "ქრისტე, ადიდე დავით, მეფე აფხაზთა, ქართველთა, რანთა, კახთა და სომეხთა”.

ქართული მონეტები ძუნწად მოგვითხრობენ იმ ტრაგედიას, რაც თავს ატყდებოდა ხოლმე საქართველოს გარეშე მტერთაგან. "მონა ყაენისა, მეფე დავით” – ასეთი დამამცირებელი სპარსული ზედწერილი ჰქონდა დავით VI ნარინის მონეტებს. მონეტებზე აღბეჭდილი ზედწერილის ერთ-ერთი მნიშვნელოვანი ნაწილია თარიღი, რომელიც მონეტის მოჭრის დროზე მიუთითებს. რუსუდან მეფის ვერცხლის მონეტებზე ქართული ზედწერილია: "სახელითა ღვთისაითა იჭედა ქორონიკონსა 450″. (ძველ საქართველოში საკუთარი წელთაღრიცხვა არსებობდა და მას ქორონიკონს უწოდებენ. თარიღის აღსანიშნავად ციფრების ნაცვლად ხმარობდნენ ანბანის ასოებს, რომელთაც რიცხვითი მნიშვნელობა ჰქონდათ. ჩვენში ქორონიკონით წელთაღრიცხვა შემოიღეს ახალი წელთაღრიცხვით 780 წლიდან. ქართული ქორონიკონი რომ ჩვენი, დღევანდელი წელთაღრიცხვით გამოვიანგარიშოთ, საჭიროა ქორონიკონის რიცხვი მივუმატოთ 780 წელს. მაგალითად, 407 ქორონიკონი იქნება: 780+407=1187 წელი.

1804 წლიდან თბილისში დაიწყო ახალი ტიპის – რუსულ-ქართული ვერცხლისა და სპილენძის მონეტების მოჭრა, რომელთა შუბლზე ქართული ასოებით ამოტვიფრული იყო ზარაფხანა "თბილისი”, ზურგზე – ნომინალი, თარიღი და მონეტის მომჭრელის რუსული ინიციალები. 1918 წლის 26 მაისს შეიქმნა დამოუკიდებელი საქართველოს დემოკრატიული რესპუბლიკა. დროებითმა მთავრობამ საკუთარი ფულის ნიშნების შემოღება გადაწყვიტა. 1919 წლიდან ბრუნვაში იყო საქართველოს დემოკრატიული რესპუბლიკის ფულის ბონები, რომელთა წარწერებიც ქართული იყო, თუმცა უკანა მხარეს რუსულ-ფრანგული წარწერებიც ჰქონდა. ბონებს ახლდა მთავრობის თავმჯდომარისა და ფინანსთა მინისტრის ხელმოწერები. საქართველოს დემოკრატიული რესპუბლიკის ხელისუფლება მყარი ვალუტის შექმნას აპირებდა, რისთვისაც ესკიზიც შეიქმნა, მაგრამ 1921 წელს საბჭოთა რუსეთის მიერ საქართველოს ანექსიამ პროექტის განხორციელებას ხელი შეუშალა.

ეროვნული ვალუტის შემოღება მოხერხდა მხოლოდ 1995 წელს. 1995 წლის 2 ოქტომბრიდან ბრუნვა დაიწყო ლარმა, რომლის ქვეყანაში დამკვიდრებით ქართული ფულის მოჭრის ტრადიცია გაგრძელდა.

Photo Collage Creator 4.21

dav_Erekle — Thu, 29 Dec 2011 12:02:38 GMT

პროგრამა განკუთვნილია ფოტოკოლაჟების შესაქმნელად. აქვს ძალზედ მარტივი, ინტუიციური და გასაგები ინტერფეისი. მზა ეფექტების საშუალებით უმოკლედ დროში შექმნით სხვადასხვა მრავალფეროვან ფოტოკოლაჟებს, კალენდრებს, მისალოც ბარათებს, მოსაწვევ ბილეთებს, პოსტერებს და სხვა. ასევე შესაძლებელია სურათის ჩარჩოს გაფორმებაც.

Joboshare Video Converter 3.1.1 Build 1216 + Rus

dav_Erekle — Sun, 18 Dec 2011 11:40:54 GMT

უბრალო და სტაბილური პროგრამა ვიდეო და აუდიო ფორმატების სწრაფი კონვერტაციისთვის. პროგრამას გააჩნია კონვერტაციის პარამეტრების შერჩევის და კონფიგურაციის შესაძლებლობა, კონვერტაციის პაკეტური რეჟიმი, მიღებული შედეგების წინასწარი მიმოხილვა და სხვა ფუნქციები. ხოლო მუშაობის მაღალი სიჩქარე და მოხერხებული ინტერფეისი Joboshare Video Converter-ს გახდის შეუცვლელს. მხრადაჭერა ქვს პრაქტიკულად ყველა ვიდეო და აუდიო ფორმატის, ისეთების როგორიცაა AVI, MPEG, WMV, DivX, MP4, H.264/MPEG-4 AVC, RM, MOV, XviD, 3GP, FLV, VOB (ვიდეო ფორმატი, გამოყენებული DVD-ში), DAT (ვიდეო ფორმატში VCD, SVCD), MP2, MP3, WMA, WAV, RA, M4A, AAC, AC3, OGG და ა.შ. გააჩნია მობილური მოწყობილობების მხარდაჭერა iPod, iPhone, Apple TV, Zune, PSP, Pocket PC, Creative Zen, Archos და ა.შ.

Google Chrome 17.0.963.12 Beta

dav_Erekle — Sat, 17 Dec 2011 08:34:24 GMT

ეს არის ვებ ბრაუზერი Google-გან გახსნილი გამავალი კოდით, ვებ-მოწყობილობების მხარდაჭერა და ძიების გაფართოებული შესაძლებლობები. Chrome-ს გააჩნია ყველა დადებითი თვისება Apple WebKit და Mozilla Firefox-ის. სასიამოვნო ინტერფეისი და ახალი ძრავი JavaScript V8, რომელიც დაეხმარება ბრაუზერს ახალი თაობის ვებ-მოწყობილობებთან მუშაობაში.

Picasa 3.9 Build 135.80

dav_Erekle — Sat, 17 Dec 2011 08:19:25 GMT

გამოვიდა პროგრის განახლებული ვერსია, რომლის საშუალებითაც თქვენ შეძლებთ ფოტოსურათების ძებნას, რედაქტირებას და გაცვლას. პროგრამის ყოველი გახსნისას ის ავტომატურად ადგენს თქვენი ფოტოსურათების ადგილმდებარეობას (იმათსაც კი რომელიც დავიწყებული გაქვთ და არ გაგიხსნიათ დიდი ხნის განმავლობაში), სორტირებას უკეთებს მათ ვიზუალურ ალბომებში, ალაგებს მათ დროის და სახელის მიხედვით, რაც გააუმჯობესებს თქვენს ორიენტაციას.

LibreOffice 3.5.0 Beta 1

dav_Erekle — Sat, 17 Dec 2011 08:18:10 GMT

ახალი სახელი საოფისე OpenOffice დანართების პაკეტში. ეს არის პროგრამების უფასო კრებული, მსგავსი Microsoft Office: Writer - ტექსტური პროცესი, Calc - ელექტრონული ცხრილი, Impress - მულტიმედიური პრეზენტაციების შექმნა და მიმოხილვა, Draw – ვექტორული გრაფიკის რედაქტორი, Math – მათემატიკური ფორმულების რედაქტორი. ერთერთი ყველაზე დადებითი ხარისხია - ყველა ამ დანართის მუშაობა MS Office-ის ფორმატის შესაბამის დოკუმენტებთან.

Radioplay Euro Express 929U (2011)

dav_Erekle — Sat, 17 Dec 2011 07:18:29 GMT

წელი: 2011
ლეიბლი: Radio Express
ჟანრი: Dance/Club
ხანგძლივობა: 114 Min
ხარისხი: 254 kbps /Joint Stereo/44100Hz
ტრეკების რაოდენობა: 31
ფაილის ზომა: 203 Mb

Tracklist:
01. Doors Down - Every Time You Go-(Rock Version) *03:48
02. Alice Gold - Runaway Love *03:07
03. Aqua - How R U Doin *03:24
04. Architects - Heartburn *03:36
05. The Black Keys - Next Girl *03:19
06. Dan Black - Alone *03:26
07. Delta Maid - Of My Own *03:06
08. Gentleman - I Got To Go *03:51
09. Hercules And Love Affair Feat. Aerea Negrot - Painted Eyes *05:59
10. Juli - Suchtig *03:48
11. Justice - Civilization-(Radio Edit) *03:30
12. Nek - E Con Te *03:14
13. Noah And The Whale - Tonights The Kind Of Night *03:14
14. The Pierces - Glorious *03:43
15. Zaz - La Fee *02:50
16. Beyonce - Run The World (Girls)-(Single Version) *03:58
17. Britney Spears Feat. Nicki Minaj And ke$ha - Till The World Ends-(The Femme Fatale Remix) *04:44
18. Charlie Simpson - Down Down Down *03:18
19. Christina Sturmer - Ein Leben Lang *03:16
20. Estelle Feat. Rick Ross - Break My Heart-(Radio) *03:58
21. Fitz And The Tantrums - Money Grabber *03:10
22. Flux Pavilion - Bass Cannon *05:15
23. Francesco Renga - Regina Triste *03:48
24. Game Feat. Lil’ Wayne - Red Nation-(Radio) *03:52
25. K.D. Lang And The Siss Boom Bang - I Confess-(Edit) *03:34
26. Kat Deluna - Party O’clock-(Radio Main Edit) *03:35
27. Medina - Gutter-(Re-Issue) *03:34
28. Miles Kane - Rearrange *03:29
29. Rihanna - California King Bed *04:13
30. Sleigh Bells - Tell ‘em-(Re-Issue) *02:58
31. Tlf Feat. Corneille - Le Meilleur Du Monde *03:53

Mystic Spring Particles 2011

dav_Erekle — Sat, 17 Dec 2011 07:13:02 GMT

წელი: 2011
ჟანრი: House
ხარისხი: 320 kbps / 44.1kHz/ Joint-Stereo
ტრეკების რაოდენობა: 11
ფაილის ზომა: 185 Mb

Tracklist:
1. Mystic - Contact
2. David Granha - Today Is The Beginning
3. Zack Roth - Outland
4. Alexey Sonar - Rocker Flop
5. Mayson And Hip67 - Era
6. Ciur - Jungle
7. David Granha - I Need A Toydoll
8. Nicolas Agudelo - Catharsis
9. Mystic - Infection
10. Ciur - 898 (Feat Duodenox)
11. Nicolas Agudelo - Souls On Fire (Biologik Remix)

გელა დაიაური

dav_Erekle — Tue, 13 Sep 2011 13:53:55 GMT

ინტერნეტ სივრცეში, ფორუმებსა თუ სხვადასახვა საიტებზე ბევრი დაიწერა ამ ტრაგედიის შესახებ. სხვათაშორის კომენტარებს ვკითხულობდი და ზოგი კითხულობს თუ ვინ არის გელა დაიაური, რას წარმოადგენს ის… გული მტკივა ნამდვილად, რომ ბევრი არ იცნობს მის შემოქმედებას. მე მქონდა ბედნიერება მასთან ერთად დავმჯდარიყავი სუფრაზე და მომესმინა მისთვის, მან იმხელა შთაბეჭდილება დატოვა ჩემში, რომ ეს ტრაგიკული ამბავი ძალიან ახლოს მივიტანე გულთან. ამიტომაც გადავწყვიტე დამეწერა ცოტაოდენ მის შესახებ, რათა უცნაურის მომხმარებლებმა იცოდნენ ვინ არის ეს ადამიანი…

გელა დაიაური – პოეტი, ფილოლოგი, ლინგვისტი კავკასიური ენების განხრით. მას აქვს დაწერილი ბევრი ლამაზი ლექსი, რომელთა გამოქვეყნებაც,სამწუხაროდ, უსახსრობის გამო ვერ მოხერხდა.

გელა ფოლკლორის დიდი მოყვარული და გულშემატკივარია. თვითონაც შესანიშნავად უკრავს და მღერის. ის აგროვებს მასალებს ქართული საბრძოლო ხელოვნების შესახებ და დიდი წვრილი მიუძღვის ამ დარგის განვითარებაში.

წარმოგიდგენთ მის რამდენიმე ლექსს და ვიდეოს:

**************************************

ცაზე თამაშობენ ვარსკვლავები,
როგორც შავ თვალებში ჭინკები,
გვიდგას სიყვარულით, გალაღებით,
გრძნობით ავსებული ჭიქები.

ბახუსს გაუშლია ჭრელი აფრა,
ძმები ღვინოს ვსვამთ და ვღვინდებით,
შემთვრალს უფრო ხშირად, უფრო მზაფრად
უფრო მენატრები, მინდები.

ჰოი, ეს ეჭვები დამახრჩობენ.-
ვინ იცის, სად, ვისთან იქნები. . .
. . . ცაზე ვარსკვლავები თამაშობენ
როგორც შენს თვალებში ჭინკები.

************************************

მე რომ ლამაზი თვალები მქონდეს,
გაგისწორებდი მზერას თამამად,
ვით კლავიშებზე თითი აკორდებს,
სიწითლე ღაწვებს დაგიფარავდა.

დავამარცხებდი შენს ამაყ მზერას,
გეტყოდი ამდენი ხანის ნაგოდებს,
გზას უყელავდი ავ ბედისწერას,
ნეტავ, ლამაზი თვალები მქონდეს!

ცეცხლს დაგინთებდი გულში სიმღერით,
მზერაში ცეცხლი მეც რომ მამკობდეს,
ან შენ რომ გიყვარს , სწორედ იმგვარი
და იმნაირი თვალები მქონდეს.

აწ დარდის დარად დავიარები,
და, დანაცრული, დარებზე ვგოდებ,
იქნებ ოდესმე შემიყვარებდი,
მეც რომ ლამაზი თვალები მქონდეს.

***********************************

შატილის ცასავით

შატილის ცასავით ლურჯი გაქვს თვალები,
მშვენებით მოჰგევხარ სალი კლდის ავაზას.
მაგ სილამაზისთვის გწყევლიან ქალები,
ვაჟები ჰკოცნიან შენს სავალ შარაგზას.
რამდენჯერ ვევედრე ლაშარს და კოპალას,
კვლავ დამიბრუნებდნენ აპრილებს გაფრენილს.
შორს გაგიტაცებდი ცელქსა და ლურჯთვალას,
შენს დალალს ვნახავდი ჩემს მკლავზე დაფენილს.
კვლავ ნუღარ შემხვდები მერიდე მზექალო,
კაცი არ მაცდუნო მაგ თვალთა მშვენებით.
შევცდები, შეგტაცებ პერანგის საყელოს,
მთებს გადაგატარებ ლურჯაის ჭენებით.
და როგორც ყაჩაღი, არწივთა საბუდარს
მივალ და გავხდები სალი კლდის ხიზანი,
შურთხებთან დაგმალავ საცოლეს ნაქურდალს,
უშენოდ სიცოცხლეს არა აქვს მიზანი.

***********************************

*********************************

ფიქრი გადაგვარებაზე

ზოგჯერ გავიფიქრებ გავგიჟდე და ვთქვა
არაწესიერი ქალის შვილი ვიყო
ხშირად შევიგინო ჩემი დედა
ტრადიციული სტილიდან გავირიყო.
არვინ გაიკვირვოს შეიძლება
გაპრანჭულ ლაპარაკად დავიღვენთო
თმები გავიშალო კულულებად
ცხვირზე საყურე გავიკეთო
კანაფი გავაბოლო
კუბები მოვითვალო
ვაჟკაცს ვაჟკაცური არ ვუთხრა
სამჯერ გათხოვილი ცოლად მოვიყვანო
გერები მივიღო საკუთრად.
ვინატრო ანტალია ან ის რიო
სულ არ გავიხსენო ვარძია
როკზე და რემიქსზე გადვირიო
ქართულზე ჩავიუბნო ბანძია
ხშირად ვიწუწუნო დედა მამა მშია
ან ვინმეს ჯიბეს ხელი ჩავუყო
დავკარგო ყველაფერი რაც კი გამაჩნია
მაგრამ ქართველობას რა ვუყო

******************************
მუნჯი ტკივილი

ვინ იცის ქვაო, როგორ გტკივა
თოვლი გაგიჟებს,
ვინ იცის მიწავ, როგორ გტკივა
ფეხს რომ გაბიჯებ.
ვინ იცის პირუტყვს, როგორ უჭირს
ყოფნა უენო,
ამ გულს კი ყოფნა ყოფნა-ფუჭი
ყოფნა უშენოდ.
ვინ იცის, ხეო, ფეხზე დგომით
გტკივა ფესვები
წელში იხრებით ქართან ომით
არყნი, მუხები.
ვინ იცის, ფიფქებს როგორ უნდათ
დიდხანს სიცოცხლე,
ტალახში როცა ვაგდებთ გუნდას,
ყოფნას ვუმოკლებთ.
ვინ იცის, ურვა და ჩივილი
ქარის, მიწის, ცის . . .
პოეტის გარდა მუნჯ ტკივილის
არავინ იცის.

****************************

ნეტავ აქ იყო. . .

ნეტავ აქ იყო, – მარტის თვეში ნახავდი მუცოს,
პოეტი სალამს მოგიძღვნიდა, – გულანთებული,
თავს დაგიხრიდნენ ქარაფები ლამაზს და უცნობს,
მხრებს შეარხევდა თორღვას ციხე – გაღმერთებული.

ნეტავ აქ იყო, _ იის მოსვლას ვუდარაჯებდი,
დავთვლიდი დღეებს თბილს, უსაზღვროს და უთარიღოს,
მიწას გავხლეჩდი ანთებული მზერით – ხანჯლებით,
აჩქარდებოდა გაზაფხულიც, შენ რომ აქ იყო.

ნეტავ აქ იყო, – დღეს ეს არის ჩემთვის მთავარი
და რომ იცოდე, ამ გულს როგორ გაახარებდი. . .
ენძელასავით გატარებდი ხელში აყვანილს
ასე, სათუთად მთებს და ველებს დაგატარებდი.

ნეტავ აქ იყო, – ენძელებით დაგამშვენებდი,
კრძალივით გესროდი მარტის თოვლის ცრემლიან გუნდას
ტრფობით დაქანცულს შურთხის ხმაზე დაგაძინებდი
ვუდარაჯებდი ყაჩაღივით შენს ცბიერ სუნთქვას.

დაბინდდებოდა და მოგხვევდა მთვარე შავ მკლავებს
ნიავი წყურვილს მოიკლავდა ბაგით მალ – მალე,
თავს მოიკლავდა ქარაფებში, შურით ვარსკვლავი,
მთვარე ალერსით დაგაფენდა ოქროს დალალებს.

ვეღარ გავძლებდი და ტუჩებზე დაგაკვდებოდი,
გაიღვიძებდი გულუბრყვილო თვალთა ციმციმით,
- შემაშინეო, – სასაცილოდ ატირდებოდი
და შენს ცრემლებზე მოკვდებოდა მთვარე სიცილით.

***************************************

ჰო, ჩემო ზეზვავ!
დაიცალა ჩვენი არხოტი,
მთიელი თუ ხარ,
ვაჟკაცურად მთაში წამოდი…
ჰო, ჩემო სულხან,
დღეს სჭირდება ხახმატს პატრონი,
კაცური კაცი,
მტყუან-მართლის მისხლით ამწონი.
ჰო, ჩემო ბერდო,
მიმხედავი სჭირდება მუცოს,
კაი დამხვდური
სტუმრად მოსულ ნაცნობს და უცნობს.
ჩვენ კი თბილისში
აქაობის დავკარგეთ გემო,
ბარისახოს და
ჭანჭახოვნებს შორიდან ვჩემობთ.
მოდით, მივხედოთ
ჯერ არდაშლილ შატილს, ანანურს,
ამ უგულობას
ნუ გავიხდით, ძმებო, სანანურს…
თორემ შვილები
ხვალ სიმშვიდეს არ შეგვარჩენენ,
ჰეი, ხევსურნო,
აქ ამოდით, საქმე მაჩვენეთ!
ფშავისკე მივლენ ღრუბლები
ჩემი ტკივილის გამგები…

******************************************

არ შეიძლება

დაუშვათ ერთ წამს, _ შენ გახდე ჩემი,
ვთქვათ _ შენ ცოლი და მე კიდე ქმარი
ვთქვათ, რომ მომეგო მაგიერ გვემის
სინაზისა და ღიმილის ღვარი.

ვთქვათ, _ დაიღვარე ღიმის ჩქერებად,
ვთქვათ _ ჩემს ოცნებას და ფიქრს მიმწიე,
(არა, ასეთი ბედნიერება
ვით შეიძლება ერგოს მიწიერს!)

ვთქვათ, _ ყოველ დილით, გასეირნებად,
გვერდზე დამიდგე მეუღლე რიდით,
მწამს, ზეციერსაც არ ეღირსება
ბედნიერება ესოდენ დიდი.

არა! თუ რამე დამეჯერება
მე სხვას მოვძევ და შენ სხვა მოძიე,
რადგან ასეთი ბედნიერება
არ შეიძლება ერგოს ხორციელს.

****************************************

******************************************

იქნება ყველა გრძნობა დამიწდეს,
გულში სიკეთის გენთოს სანთელი
და არასოდეს არ დაგავიწყდეს,
არ დაგავიწყდეს, რომ ხარ ქართველი.

შენი მამულის ტრფობით იწვოდე,
არ დაივიწყო ენა თავისი,
სულს სიმამაცის ცეცხლში გიწრთობდეს
შენი `შავლეგო~, შენი `დაისი~.

ხანჯალთან ერთად გეპყრას სახნისი,
მოძმე ბევრი გყავს და მტერიც ოხრად,
`ჰკა, მაგას’ – ა და `ვაშა’ – ს ძახილში
არ დაგავიწყდეს, ქართველი რომ ხარ

დე, გოლგოთაზეც ყოველდღე ადი,
ოღონდ გატანა შეძლო ლელოსი,
სულ იამაყე, რომ ერთხელ გაჩნდი
და იმ ერთხელაც საქართველოში.

და თუ დადგება წამი – ყიოში,
თუ სული დადნა როგორც ფანტელი,
როცა მოკვდები, საიქიოშიც
არ დაგავიწყდეს, რომ ხარ ქართველი.

***************************************

ბევრჯერ ამივლია ტატაბარში
თოფით, სანადიროდ გამზადებულს,
თუნდაც წავეყვანე ჯანდაბაში,
ფეხებს, ტანჯვისათვის გადადებულს.

ბევრჯერ კაცი მყავდა ამხანაგი,
ბევრჯერ შურიანიც ამყოლია,
ბევრჯერ მინატრია ბარის ბანგი,
მაინც ვახარებდი მთას თოვლიანს.

ბევრჯერ დამინახავს ჯიხვთა ხორო,
თოფით, არეული ნადირები,
კლდენი _ ჩამოშლილი ტყვიით, ხოლო
თოვლი _ ჯიხვის სისხლად ნატირები.

მკვდარ ჯიხვს ჩავყოლილვარ, ჩაგორებულს,
მერე ველურივით მიროკია,
ორი დღის მშიერსა და მოწყურებულს
თოვლი ხარჯიხვივით მილოკია.

მერე, კლდის ეხებში შეფარებულს,
ჯიხვის მსუყე მწვადი მიჭამია,
სამი ჭიქა ჭაჭით გალაღებულს,
კაცი მამა _ ღმერთად მიწამია.

ბევრჯერ მისველებდა მხრებს თოვლი და
ბევრჯერ სიცივისგან ვკანკალებდი,
მცირე ნახვრეტსაც რომ იპოვიდა
ქარი, წყევლა _ კრულვით ასაკლები.

მუხლის კანკალიც კი ამტეხია,
ტუტკას, ჰარიშკას და არაფიას,
მაინც არ მოვიშლი ამ ხეტიალს,
კვლავაც ავუყვები ქარაფიანს.

****************************************

გელა და მისი მეუღლე თეონა…

გელას შვილები (ანგელოზები რომლებიც აღარ არიან :( )

მუცოს ხეობაში მომხდარი ავტოავარიის შედეგად დაიღუპა შვიდი ადამიანი. გელა და თეონას(მეუღლის) ძმა მძიმე მდგომარეობაში არიან. თეონა და მათი უმცროსი შვილი 9 თვის ჯარჯი, გარდაცვლილები არიან, უფროსი შვილი- 3 წლის თორნიკე, დაკარგულია ..
გარდაცვლილია ბერდია არაბული, მისი ცოლი და 4 თვის შვილი … თეონას დაც…

ტრაგედიააა! მხოლოდ ამ ოჯახების არა, მთელი ჩვენი ერის ტრაგედიააა…