ცნობილმა გერმანელმა ფეხბურთელმა – მიხაილ ბალაკმა, რომელმაც ინგლისურ პრემიერლიგაში გარჯის შემდეგ, კვლავ თავის სამშობლოსა და მშობლიურ კლუბს – "ლევერკუზენს" მიაშურა, როგორც იცით, ჯერ კიდევ სექტემბრის თვეში, საკმაოდ მძიმე ტრავმა მიიღო.

ბალაკმა ეს ტრავმა 11 სექტემბერს, კონკრეტულად  ”ჰანოვერთან” მატჩში მიიღო და მას შემდეგ მოედანზე ბუნებრივია, რომ აღარ გამოსულა. ტრავმის სიმძიმეს ემატებოდა ფეხბურთელის ასაკიც და იმის გამოისობით, რომ ფეხბურთელი კარიერის უკანასკნელ პერიოდს გადის, ბუნებრივია, რომ მისთვის ტრავმის მოშუშება ისე ადვილი აღარ რის, როგორც მაგალითად, მისი ახალგაზრდა კოლეგებისათვის.

ამ შაბათ–კვირას კი, სრულიად გერმანიის გასახარად, ბალაკმა სრულფასოვანი ვარჯიში დაიწყო. ბალაკმა ზოგადად ვარჯიში, ორი კვირის წინ დაიწყო, მაგრამ მხოლოდ ინდივიდუალური პროგრამით ემზადებოდა და მას არ შეეძლო ბურთთან შეხება. ახლა კი, ბალაკმა სრულფასოვნად ივარჯიშა და მას უკვე შეუძლია ბურთთან ერთად სირბილი. ასე რომ, ბალაკის დაბრუნებას უახლოეს მომავალში უნდა ველოდოთ.