კასილასმა ოლივერ კანის რეკორდი დაამხო…

მადრიდის "რეალის” მეკარემ იკერ კასილასმა გააუმჯობესა ლეგენდარული გერმანელი მეკარის ოლივერ კანის რეკორდი.ჩემპიონთა ლიგის ეგიდით. მას ყველაზე მეტი შეხვედრა აქვს ჩატარებული მეკარეებში. 19 ოქტომბრის საღამოს "მილანის” წინააღმდეგ მან 104-ე მატჩი ჩაატარა ჩემპიონთა ლიგაში და დაეხმარა თავის გუნდს დამაჯერებელი გამარჯვების მოსაპოვებაში (2:0), წერს გამოცემა Marca.

კანმა, რომელმაც კარიერა 2008 წელს დაასრულა, 103 მატჩი ჩაატარა ჩემპიონთა ლიგაში. 2001 წელს მან მოიგო ეს ტურნირი "ბაიერნთან” ერთად. კასილასი ჯერ მხოლოდ 29 წლისაა, მას მთელი კარიერა მადრიდულ კლუბში აქვს გატარებული. მთელი ამ ხნის განმავლობაში მან ორჯერ მოახერხა ჩემპიონთა ლიგის მოგება, 2000 და 2002 წლებში.

ყველა ფეხბურთელის ჩამონათვალში ვისაც კი უთამაშია ამ ტურნირზე კასილასი მეათე ადგილზეა. 3 ნოემბერს, მილანთან განმეორებით მატჩში მას შეუძლია გაუტოლდეს დევიდ ბექჰემს, რომელსაც 105 შეხვედრა აქვს ჩატარებული. ყველაზე მეტი მატჩი კი ჩემპიონთა ლიგაში გამართული აქვს "რეალის” ყოფილ კაპიტანს რაულს.