დღეს, ბარსელონას "ნოუ კამპზე" გასამართ "კლასიკომდე" ცოტა ხნით ადრე, კატალონიელებმა ივარჯიშეს, რის შემდეგაც, მასპინძელთა მწვრთნელმა, პეპ გვარდიოლამ მედიასთან ისაუბრა. "ვიმედოვნებ, რომ ჩვენ ფანტასტიკური მატჩის მომსწრენი გავხდებით", თქვა მან.

"ჟოზეს სამწყსო არამხოლოდ მიმზიდველი, არამედ ფიზიკური, ეფექტური, სწრაფი და კარგად და ძლიერად მომზადებული გუნდია. რთულია თავიდან აიცილო ის მღელვარება, რაც ამ მატჩს ყოველთვის თან ზდევს. ეს ნორმალურიცა. ეს მატჩი "ლა ლიგას" ჩემპიონის ბედს ვერ გადაწყვეტს."

პეპ გვარდიოლამ განაცხადა, რომ მან ძალიან კარგად იცის, თუ როგორ თამაშობს ""რეალი": "მათ ძალიან კარგად იციან, თუ როგორც ვთამაშობთ. არანაირ სიურპრიზებს არ უნდა ველოდოთ, ჩვენ შევუტევთ. მე ასევე ვიცი, თუ როგორ თამაშობენ მადრიდელები. მათ კონტრ–შეტევებზე თამაში ძალიან კარგად გამოსდით."

მოგეხსენებათ ჟოზე მაურინიო შარშან მილანის "ინტერს" ედგა სათავეში. მისმა გუნდმა ჩემპიონთა ლიგის ნახევარფინალში, "ბარსას" დამარცხება და ფინალში გასვლა შეძლო, მაგრამ გვარდიოლას განცხადებით ეს არაფერს ნიშნავს. "მადრიდელებს "ინტერისგან"განსხვავებული ფეხბურთელები ჰყავთ, მაგრამ არ არის გამორიცხული, რომ "რეალმა" იმ ტიპის მატჩი აჩვენოს, ცოტათი მაინც. ყველა მწვრთნელს გააჩნია, რაღაც საკუთარი."